Одржан еднодневен Даито рју Аикиџуџутсу семинар во Скопје

Posted on Categories Почетна

Инструкторот Игор Довезенски, вчера одржа семинар за Аикиџуџутсу на кој присуствуваа неколкумина членови на Корју Доџо-то на Даито рју Македонија, како и неколкумина ученици на Буџинкан Македонија.

Во пријатна и работна атмосфера, учесниците ги вежбаа катите од Идори и од Тачи Аи од првиот каталог Иккаџо.

Шидоин-от Довезенски, се потруди да објасни и некои нови детали за правилна изведба на техниките, кои се особено важни пред претстојното полагање за повисоки степени што ќе се одржи на крајот на декември.

По завршувањето на семинарот, беше договорено да се одржи уште еден во текот на следниот месец.