Зимски интензивен семинар за Даито рју Аикиџуџутсу

Posted on Categories Почетна

„Даито рју Македонија – Корју Доџо“, организира зимски интензивен семинар за Даито рју Аикиџуџутсу во траење од 24 часа, што ќе се одржи во текот на месеците ноември и декември. На семинарот можат да учествуваат сите членови на Организацијата за изучување на традиционални јапонски боречки вештини „Пат кон Сонцето“, но и сите останати заинтересирани граѓани, без разлика на нивното претходно искуство или стил. 

За време на настанот, учесниците ќе ги вежбаат основните техники на оваа стара и благородна јапонска вештина, како и катите од нивото иккаџо (првиот каталог). Тренингот ќе се одвива според методологијата на нашиот учител, шиханот Антонино Черта, а на начин како што тој ја изучувал вештината за време на неговите престои во Даитокан (Абашири, Јапонија). 

Семинарот ќе започне на 23 ноември и ќе се одржува секоја недела од 11:00 до 15:00 часот. Учесниците кои ќе присуствуваат на сите пет тренинзи (вкупно 20 часа), на крајот ќе можат да полагаат за шести или за петти кју, во зависност од степенот што во моментот го поседуваат. Сите кои успешно ќе положат, ќе добијат диплома потпишана лично од Претседателот на меѓународната Даито рју асоцијација – Антонино Черта.  
Тема: Аикитаисо (Кихон) и Иккаџо

Учител: Игор Довезенски, шидоин

Време: 23/30 ноември и 7/14/21 декември (односно пет последователни недели од 11:00 до 15:00 часот). На 28 декември, учениците кои имаат желба, ќе добијат бесплатен слободен термин од четири саати, со цел да ги повторат катите потребни за полагањето кое ќе се одржи истиот ден со почеток во 17.00 часот. 

Место: Даито рју Македонија – Корју Доџо (Скопје)

Повеќе информации за Даито рју Аикиџуџутсу ——>http://daito.koryu.mk/article/category/daito

Ве молиме доколку имате било какви прашања поврзани со интензивниот семинар, да се јавите на нашиот телефон 077 976 906 или да ни пишете на нашиот и-мејл: daito_macedonia@yahoo.com 

Одржан интензивниот Даито рју семинар

Posted on Categories Почетна

Викендов што измина, во Хомбу Доџо-то на Организацијата за изучување на јапонски традиционални боречки вештини – Пат кон Сонцето, се одржа интензивен викенд семинар под водство на Игор Довезенски (шидоин). 

На семинарот се вежбаа катите од првиот сет на Хиден Мокуроку (иккаџо), како и стоечките техники (тачи аи) од вториот сет познат како Никкаџо. На настанот учество земаа неколку членови од Даито рју Македонија – Корју Доџо, кои под водство на инструкторот Довезенски без престан ги увежбуваа техниките на оваа древна јапонска самурајска школа.
Во октомври, нашиот учител, шиханот Антонино Черта, повторно ќе не посети и ќе ни ги предаде катите од третото ниво односно Санкаџо, така што овој семинар послужи како мала подготовка пред големиот настан што наскоро ќе се одржи. 

Интензивен викенд семинар за Даито рју во Хомбу Доџо-то на „Пат кон Сонцето“

Posted on Categories Почетна

Во Хомбу Доџо-то на Организацијата за изучување на традиционални јапонски боречки вештини „Пат кон Сонцето“, следниот викенд односно на 12 и 13 јули, ќе се одржи интензивен викенд семинар за Даито рју Аикиџуџутсу. Тема на настанот ќе бидат катите од нивоата Иккаџо и Никкаџо.

Семинарот ќе се одржи под водство на инструкторот Игор Довезенски, единствениот носител на титулата шидоин за Даито рју Аикибудо на балканскиот полуостров, а на истиот можат да присуствуваат сите заинтересирани лица за оваа древна јапонска боречка вештина. 
Доколку имате некакви прашања, слободно обратете со преку нашето поштенско сандаче. 

Одржан семинарот „Кенџутсу под ѕвездите на Липац V“

Posted on Categories Почетна

Во чест на нашиот учител за Даито рју Аикибудо, шиханот Антонино Черта, викендов на планината Липац се одржа семинарот „Кенџутсу под ѕвездите на Липац“ на кој членовите на Корју Доџо ги изучуваа техниките на школата Оно ха Итто рју (Такеда-ден).

На петтиот по ред ваков настан, учество земаа 16 наши членови, а акцентот беше ставен на неколку принципи и техники, меѓу кои и сури аге и сури отоши (кири отоши). За подобро да ја доловиме атмосферата, ќе пренесеме дел од изјавите на двајца од учесниците.

Марко Опачиќ: „Тренинзите беа одлични, а дури на петтиот по ред семинар сенсеи Довезенски ни ги покажа трите принципи на школата. Убаво ги објасни, ги преведе, ни ги предаде многу сликовите и разбирливо, ни ги искомбинира, ни ги долови многу јасно, ни ги ’изџвака’, а наше беше само да вежбаме и сметам дека се покажавме во добро издание. 

Вечерта беше за паметење. Вечера на свеќи, во кујна на топличко, со превкусно гравче, многу смеа и среќни луѓе. Тоа се чувствуваше цело време во воздухот“. 
Зоран Тодоровски: „Ова беше тренинг каков што секој од нас посакува. Безброј пати подигнат меч, безброј пресекувања, блокови со шиноги, моно-учи, кисаки, киаи. Тренинг, куден, тренинг, куден. Многу форми, многу начини и се така до бесконечност. Полека ги откриваме тајните на оваа кенџутсу вештина, а за миг можевме да го почувствуваме мирисот и вкусот на корју. Чувството е како да чекориш по патот на просветлувањето со цел да ја разбереш суштината на постоењето“.

Кенџутсу под ѕвездите на Липац V

Posted on Categories Почетна

Школото за класични јапонски боречки вештини Даито рју Македонија – Корју Доџо, со подршка на Организацијата за изучување на традиционални јапонски борбени вештини – Пат кон Сонцето, по петти пат го организира традиционалниот семинар во природа насловен како „Кенџутсу под ѕвездите на Липац V“.

Овој настан се одржува еднаш годишно за време на првиот викенд од јуни, во чест на нашиот Даито рју Аикибудо учител – шиханот Антонино Черта.

За време на дводневниот семинар, членовите на Даито рју Македонија и на Пат кон Сонцето, ги вежбаат техниките од школата Оно ха Итто рју (Такеда-ден). Оваа моќна мечувалска вештина, во минатото била задолжителна за сите членови на познатиот самурајски клан Такеда. Поради нејзината едноставност и ефикасност, школата била една од двете официјални кенџутсу вештини кои што се изучувале од страна на припадниците на семејството на јапонските шогуни од кланот Токугава.

Членовите на нашето доџо, овој настан секоја година го чекаат со нетрпение. За време на дводневниот тренинг во природа, на врвот на мистичната планина Липац, учениците од сите степени имаат можност да се дружат меѓу себе и подобро да се запознат.

Во текот на деновите, ќе се одржуваат по три тренинзи, а вечерта ќе биде резервирана за дружење околу огнот, проследена со вкусно гравче и по некое пивце.

Ден: 31/01 јуни, 2014 година (поаѓање од Скопје во 07.00)

Место: под ѕвездите на планината Липац.

Опрема: вреќа за спиење, кеико ги, хеланки, кјахани или високи чорапи (против крлежи), бокуто (може и резервен), храна и вода.

За дополнителни информации јавете се на нашиот телефон.

Семинарот е отворен за сите, без разлика на стилот и вештината.

Ако Ви е потребна опрема, информирајте не на време.

Настанот ќе се одржи без разлика на временските услови.