Кенџутсу под ѕвездите на Липац VIII

Posted on Categories Почетна

Оваа година по осми пат Доџо-то за класични јапонски боречки вештини Даито рју Македонија – Корју Доџо, а со подршка на Организацијата за изучување на традиционални јапонски борбени вештини – Пат кон Сонцето, го организира традиционалниот семинар во природа насловен како „Кенџутсу под ѕвездите на Липац“.


Овој настан се одржува еднаш годишно за време на првиот или вториот викенд од јуни, во чест на нашиот Даито рју Аикиџуџутсу учител – шиханот Антонино Черта.

За време на дводневниот семинар, членовите на Даито рју Македонија и на Пат кон Сонцето, ги вежбаат техниките од школата Оно ха Итто рју (Такеда-ден). Оваа моќна мечувалска вештина, во минатото била задолжителна за сите членови на познатиот самурајски клан Такеда. Поради нејзината моќност и ефикасност, школата била една од двете официјални кенџутсу вештини кои што се изучувале од страна на припадниците на семејството на јапонските шогуни од кланот Токугава.

Членовите на нашето доџо, овој настан секоја година го чекаат со нетрпение. За време на дводневниот тренинг во природа, на врвот на мистичната планина Липац, учениците од сите степени имаат можност да се дружат меѓу себе и подобро да се запознат.

Во текот на деновите, ќе се одржуваат по три тренинзи, а вечерта ќе биде резервирана за дружење околу огнот, проследена со вкусно гравче и по некое пивце.

Ден: 10/11 јуни, 2017 година (поаѓање од Скопје во 07.00)

Место: под ѕвездите на планината Липац.

Опрема: вреќа за спиење, кеико ги, хеланки, кјахани или високи чорапи (против крлежи), бокуто (може и резервен), храна и вода.

За дополнителни информации јавете се на нашиот телефон 075 564 011.

Семинарот е отворен за сите, без разлика на стилот и вештината.

Ако Ви е потребна опрема, информирајте не на време.

Настанот ќе се одржи без разлика на временските услови.

Довезенски и Опачиќ на семинар со шиханот Черта во Рим

Posted on Categories Почетна

Инструкторот на Даито рју Македонија – Корју Доџо, Игор Довезенски, во придружба на својот заменик Марко Опачиќ, земаа учество на меѓународниот семинар за Аикиџуџутсу што се одржа во италијанскиот главен град – Рим.

На настанот учествуваа околу 30 души, главно од доџоата на земјата домаќин, а покрај македонските кобудо-ки, присутен беше уште претставникот од Чешката Република.

На семинарот за прв пат беа претставени и техниките од прастарата јапонска боречка вештина Сумо, кои одиграле голема улога при создавањето на традиционалите школи, меѓу кои и во оформувањето на Даито рју Аикиџуџутсу. Токму затоа, шиханот Антонино Черта одлучи дека членовите на организацијата ДаитоКаи треба да го истражуваат и Сумо-то, за да можат подобро да ги запознаат традиционалните вештини (Корју Буџутсу).

Инаку, тема на настанот беа катите од четвртиот каталог (Јонкаџо), што всушност беше од неверојатна корист за членовите на нашето доџо, особено поради фактот што во Даито рју Македонија досега се изучувале техниките од првите три каталози (Иккаџо, Никкаџо и Санкаџо).

За време на саботната вечера, шиханот Черта на инструкторот Довезенски му подари деншо со техниките од Сумо, а беше разговарано и за следните семинари во Македонија и во Италија, на кои треба да се продолжи со усовршувањето на македонските инструктори.

Одржан мајскиот редовен интензивен Даито рју Аикиџуџутсу семинар

Posted on Categories Почетна

Дел од членовите на Даито рју Македонија – Корју Доџо, во Хомбу-то на „Пат кон Сонцето“, викендов го одржаа редовниот мајски Аикиџуџутсу интензивен семинар.

За време на настанот, учесниците под водство на учителот Игор Довезенски успеава да ги повторат сите 60 кати од првиот и од вториот каталог (Иккаџо/Никкаџо) на Хиден Мокуроку.

Иако напорни, сепак тренинзите на оваа традиционална јапонска самурајска вештина претставуваат вистинско задоволство бидејќи нудат една одлична песпектива за секој страствен корју вежбач.

Во слободното време не изостана ниту одличното дружење меѓу членовите, во дворот на Хомбу-то, кој во овој период од годината навистина изгледа величенствено. За атмосферата да биде уште подобра, се погрижија и превкусните јаготки кои во изобилие растат околу зградата која нуди уовршување и просветлување во секој поглед.

Одржан мартовскиот редовен интензивен Даито рју Аикиџуџутсу семинар

Posted on Categories Почетна

Во одлична атмосфера исполнета со многу силен тренинг и прекрасно дружење, заврши и мартовскиот семинар за Даито рју Аикиџуџутсу.

За време на настанот, инструкторот Довезенски ги предаваше катите од првиот и од вториот каталог: Иккаџо / Никаџо.

Некои од техниките беа предадени до најситни детаљи, при што беше објаснувано и за околностите и причините за нивното настанување. Неколку кати беа демонстрирани со користење на кодачи (краток меч), а со цел учесниците подобро да ги разберат истите.

Следниот интензивен семинар за Даито рју Аикиџуџутсу веќе е договорен за во април, така што можете уште отсега да го заокружите во календарот.

 

Одржан февруарскиот Даито рју Аикиџуџутсу семинар

Posted on Categories Почетна

Последниот семинар за Даито рју Аикиџуџутсу во Скопје за првото полугодие се одржа во неделата во доџо-то на Организацијата „Пат кон Сонцето“.
На семинарот присуствуваа десетина членови кои за четири саати успеава да ги повторат сите кати од Идори и од Тачи Аи од вториот каталог (Никаџо).

Освен одличната атмосфера што владееше постојано додека траеше настанот, треба да се спомене и неверојатната посветеност кон вештината која што на дело беше демонстрирана од страна на учесниците.

На крајот, инструкторот Довезенски им соопшти на членовите на Корју Доџо дека од март повторно се отвораат вратите на Хомбу Доџо-то во долината под планината Липац и дека следниот Даито рју Аикиџуџутсу семинар таму ќе биде организиран.