Одржан уште еден интензивен Даито рју Аикиџуџутсу семинар

Posted on Categories Почетна

И априлскиот интензивен Даито рју Аикиџуџутсу семинар донесе возбуда и внесе нова енергија на ист начин како и претходните настани досега.

Овој пат „на мени“ беа катите од првите три каталози, кои учителот Игор Довезенски постојано ги комбинираше, сакајќи на тој начин учениците самите да ја видат специфичноста на секое ниво посебно.

Инаку, од вчера Даито рју Македонија – Корју Доџо и официјално има нов член, а тоа е Елеонора Опачиќ, која веќе подолго време покажува интерес за оваа традиционална самурајска вештина. Со добивањето на „пасошот“ на интернационалната ДаитоКаи организација, таа ќе отвори една нова страница во нејзиниот живот.

На крајот да Ве известиме дека поради претстојното патување на инструкторот Довезенски во Јапонија, каде што ќе остане три недели во усовршување на Корју-то, во мај нема да се одржи интензивен Аикиџуџутсу семинар. Истиот ќе биде закажан во јуни.

Одржан првиот интензивен семинар за 2018-та во Хомбу

Posted on Categories Почетна

Во неверојатна атмосфера, завчера во Хомбу Доџо-то на Организацијата „Пат кон Сонцето“, се одржа првиот интензивен семинар во 2018-та година.

Уште на самиот почеток, кај учесниците беше забележлива желбата за вежбање на катите на Даито рју Аикиџуџутсу, која како што одминуваше времето, се повеќе и повеќе се зголемуваше.

За време на двата дена, членовите на Корју Доџо-то успеава да ги повторат сите кати од првиот и од вториот каталог на Хиден Мокуроку, а при крајот беа извежбани и неколку кати од третиот свиток (санкаџо).

Следниот интензивен семинар во Хомбу ќе се одржи на 21-22 април, за кога е закажано и вонредното полагање за двајца ученици од доџо-то.

Даито рју Македонија - Корју Доџо на семинар со шиханот Черта во Бугарија

Posted on Categories Почетна

Членовите на Даито рју Македонија – Корју Доџо, викендов што измина учествуваа на семинар со водачот на Интернационалната Даито Каи организација, предводена од шиханот Антонино Черта.


Настанот беше организиран од страна на Бугарската Аикидо Федерација (БАФ), а на него, покрај нашата делегација, учество земаа неколкумина инструктори од оваа соседна земја.

Покрај учесниците од Македонија, во Софија од Русија допатува и Михаил Кузњецов (II дан), кој заедно со инструкторот Игор Довезенски (II дан), беа во улога на асистенти на мајсторот Черта.

Задоволни од наученото, бугарските домаќини изјавија желба и за понатамошна соработка со организацијата Даито Каи и можно приклучување кон истата во иднина.

Одржан подготвителниот Аикиџуџутсу семинар

Posted on Categories Почетна

Поради учество на нашите Воини на претстојниот семинар со Сенсеи Черта во Софија (Бугарија), вчера во скопското доџо на Даито рју Македонија, се одржа подготвителниот Аикиџуџутсу семинар.

За време на настанот, шидоин Игор Довезенски детаљно ги предаваше и ги објаснуваше техниките од Аики Таисо, а особено внимание им посвети на ударите (Аики Кенпо).

Во вториот дел од семинарот, учесниците ги повторија катите од првиот каталог – Иккаџо.

Што детално ќе се случува за време на меѓународниот семинар со Сенсеи Черта во Бугарија – во следниот Извештај.

Одржан јануарскиот Даито рју Аикиџуџутсу семинар

Posted on Categories Почетна

Првиот Даито рју семинар за 2018-та се одржа завчера во скопското Корју Доџо за Аикиџуџутсу. Групата составена од стандардните членови кои не пропуштаат ниту еден настан поврзан со оваа стара самурајска вештина, повторно ја покажаа својата посветеност на дело.

После три семинари по ред на кои се обработуваа техники од третиот каталог (Санкаџо), овој пат на ред беше Иккаџо односно „враќање“ кон основата. Се вежбаа сите кати од Идори, Ханза Хандачи, Тачи Аи и Уширо Дори.

На крајот од настанот, беше договорено следниот да се одржи за една недела, како подготовка за семинарот што ќе се одржи од страна на нашиот учител Антонино Черта во Софија, а на покана на Бугарската Аикидо Федерација. Секако, ние како негови ученици ќе дадеме се од себе да се покажеме во најдобро светло за време на самиот семинар.