Даито Рју Корју Доџо - Македонија | Страница 2

Прв семинар во 2024-та

dovezenskiфевруари 1, 2024февруари 1, 2024Почетна

Во организација на Даито рју Македонија -Корју Доџо, во неделата се одржа четири часовен семинар за аикиџуџутсу. На семинарот учествуваа 10-тина членови на Организацијата „Пат кон Сонцето“ кои неуморно го впиваа знаењето за оваа благородна јапонска самурајска борбена вештина.

Инструкторот Игор Довезенски предаваше техники од третиот каталог на Хиден Мокуроку, при што мора да се признае дека е малку потежок од претходните два.

На крајот, задоволни од наученото, учесниците изјавија дека едвај го чекаат февруарското издание на семинарот.

Учителот Довезенски одржа тренинг-семинар во Нови сад

dovezenskiдекември 21, 2023јануари 3, 2024Почетна

Учителот и претставникот на Даито рју Аикиџуџутсу за Југоисточна Европа, Игор Довезенски, одржа тренинг-семинар за оваа древна и благородна самурајска вештина во Нови Сад (Република Србија).

Настанот беше организиран од страна на Срџан Црногорац – Црни, долгогодишен пријател на Довезенски, а на него освен членовите на Буџинкан Сатори Доџо, учествуваа и двајца новосадски инструктори за Аикидо.

На крајот, учесниците презадоволни од наученото, изразија желба оваа соработка да продолжи и во иднина.

Одржан последниот Аикиџуџутсу семинар за 2023-та

dovezenskiдекември 18, 2023декември 19, 2023Почетна

Во скопското доџо на Даито рју Македонија, вчера се одржа последниот семинар за 2023-та година. Темата беше Иккаџо односно првите триесет кати на Хидден Мокуроку.

На настанот учествуваа десетина членови кои со своето учество оддадоа почит кон школата која ја учиме благодарение на нашиот учител Антонино Черта.

Следниот Даито рју Аикиџуџутсу семинар ќе се одржи во јануари. Ве очекуваме заедно да уживаме во магичниот свет на древната и благородна самурајска вештина создадена од моќното семејство Такеда.

Почнаа зимските Аикиџуџутсу семинари во Скопје

dovezenskiноември 22, 2023декември 5, 2023Почетна

По завршувањето на летната сезона на семинари во Хомбуто на Организацијата „Пат кон Сонцето“, единственото македонско Доџо за Даито рју Аикиџуџутсу ги започна зимските семинари кои традиционално секоја година се одржуваат во Скопје во текот на ноември, декември, јануари и феврурари.

Неомврискиот семинар привлече десетина членови на Даито рју Македонија – Корју Доџо, кои во неделата што измина ги вежбаа катите од второто ниво на оваа благородна јапонска самурајска школа.

На крајот од настанот, сите учесници изјавија дека со нетрпение го очекуваат следниот Даито рју семинар, кој ќе се одржи на средината на декември.

Се одржа октомврискиот Даито рју Аикиџуџутсу семинар

dovezenskiоктомври 26, 2023ноември 15, 2023Почетна

Доколку временските услови се расипат, што е сосема нормално со доаѓањето на есента и приближувањето на зимата, тогаш овој октомвриски Аикиџуџутсу семинар беше последен во Хомбу за оваа година. Од следниот месец, интензивните тренинзи ќе продолжат во скопското Доџо на Даито рју Македонија.

Како и сите претходни, така и овој настан што се одржа минатата недела во централното Доџо остави силен белег меѓу учесниците, кои се потсетија зошто претставува огромна чест да се вежба и да се биде дел од оваа древна самурајска боречка вештина.