Автор: dovezenski

Author dovezenskiPosted on јануари 30, 2018февруари 7, 2018Categories Почетна

Првиот Даито рју семинар за 2018-та се одржа завчера во скопското Корју Доџо за Аикиџуџутсу. Групата составена од стандардните членови кои не пропуштаат ниту еден настан поврзан со оваа стара самурајска вештина, повторно ја покажаа својата посветеност на дело.

После три семинари по ред на кои се обработуваа техники од третиот каталог (Санкаџо), овој пат на ред беше Иккаџо односно „враќање“ кон основата. Се вежбаа сите кати од Идори, Ханза Хандачи, Тачи Аи и Уширо Дори.

На крајот од настанот, беше договорено следниот да се одржи за една недела, како подготовка за семинарот што ќе се одржи од страна на нашиот учител Антонино Черта во Софија, а на покана на Бугарската Аикидо Федерација. Секако, ние како негови ученици ќе дадеме се од себе да се покажеме во најдобро светло за време на самиот семинар.

Author dovezenskiPosted on декември 18, 2017декември 18, 2017Categories Почетна

Вчера се одржа последниот Даито рју Аикиџуџутсу семинар за 2017-та, при што Самураите на Корју Доџо-то имаа можност повторно да ги вежбаат катите од третиот каталог на оваа благородна вештина.

За време на настанот учесниците ги повторија повеќето форми од Идори и од Тачи Аи, а инструкторот Игор Довезенски се потруди да ги објасни сите детаљи поврзани со истите.

Првиот семинар во новата година веќе е закажан, а доколку сакате да земете учество и да ја почуствувате магијата на Аикиџуџутсу, пишете ни навреме на нашиот и-мејл.

Ви посакуваме среќни новогодишни и божиќни празници!

Author dovezenskiPosted on ноември 20, 2017ноември 20, 2017Categories Почетна

Во Даито рју Македонија – Корју Доџо, предводено од шидоин Игор Довезенски, вчера се одржа редовниот месечен Аикиџуџутсу семинар, овој пат на тема Санкаџо.

Преубава атмосфера на крајот ја дополни фуку-шидоин Марко Опачиќ, кој пред останатите членови изјави:

„За време на денешниот семинар почнавме директно со катите, кои во Санкаџо се многу болни, но и тешки за изведба. Се гледа дека е нешто ново за нас и дека треба премногу тренинг за да го усовршиме и ова ниво. Не ’поминавме’ ниту 15 кати, а времето летна навистина брзо, не се ни забележа. Знам само дека сите уживавме во тренингот.
Техниките се навистина преубави, но како што кажав треба време да се научат. Добро е тоа што Сенсеи ни кажа дека цела зима ќе го усовршуваме ова ниво, со оглед на тоа што во Хомбу оваа година најмногу се фокусиравме на Икаџо и Никаџо.
Ова е навистина добро време да се усоврши Санкаџо (знае Сенсеи што прави). Му благодарам што го одвојува секој викенд за наше усовршување, а знам како се подготвува пред секој семинар и сигурен сум дека има ученици кои навистина го почитуваат тоа“.

Author dovezenskiPosted on октомври 24, 2017октомври 28, 2017Categories Почетна

Преубавиот есенски и сончев викенд само ја дополни идиличната слика за време на одржувањето на последниот интензивен Даито рју Аикиџуџутсу семинар во Хомбу Доџо-то за 2017-та година.

Учесниците на настанот повторно имаа можност да ги вежбат преубавите кати од вториот каталог познат под името Никкаџо.

Инструкторот Довезенски се трудеше на сите да им пренесе колку што е можно повеќе знаење од овие древни техники користени од страна на моќниот самурајски клан Аизу / Такеда. Секоја ката беше детално објаснета, а најпрвин беа покажани во полна брзина, за потоа да се објаснат и најситните детаљи од истата.

Инаку, секоја година за време на последниот викенд во октомври се одржува последниот интензивен семинар во Хомбу-то, по што следува четиримесечна пауза односно дополнителните настани се префрлуваат во доџото во Скопје.

 

Author dovezenskiPosted on септември 19, 2017септември 20, 2017Categories Почетна

Викендов што измина во Хомбу Доџо-то на Даито рју Македонија се одржа првиот интензивен Аикиџуџутсу семинар во второто полугодие.
Во прекрасна атмосфера, дополнета поради преубавите временски услови, инструкторот Игор Довезенски на своите ученици до најситни детаљи уште еднаш им ги појасни сите кати од првиот каталог (Иккаџо).
Како и секогаш, низ воздухот лебдеше онаа позитивна енергија создадена поради љубовта кон класичните јапонски боречки вештини од страна на членовите на доџо-то, но истовремено и поради блискоста и довербата стекнати низ годините заедничко вежбање и дружење.

На крајот, беше договорено следниот интензивен Даито рју Аикиџуџутсу семинар во Хомбу Доџо-то да се одржи на средината на октомври.