Категорија: Почетна

Author koryu

Во Хомбу Доџо-то на Организацијата за изучување на традиционални јапонски боречки вештини „Пат кон Сонцето“, следниот викенд односно на 12 и 13 јули, ќе се одржи интензивен викенд семинар за Даито рју Аикиџуџутсу. Тема на настанот ќе бидат катите од нивоата Иккаџо и Никкаџо.

Author koryu

Во чест на нашиот учител за Даито рју Аикибудо, шиханот Антонино Черта, викендов на планината Липац се одржа семинарот „Кенџутсу под ѕвездите на Липац“ на кој членовите на Корју Доџо ги изучуваа техниките на школата Оно ха Итто рју (Такеда-ден).

На петтиот по ред ваков настан, учество земаа 16 наши членови, а акцентот беше ставен на неколку принципи и техники, меѓу кои и сури аге и сури отоши (кири отоши). За подобро да ја доловиме атмосферата, ќе пренесеме дел од изјавите на двајца од учесниците.

Марко Опачиќ: „Тренинзите беа одлични, а дури на петтиот по ред семинар сенсеи Довезенски ни ги покажа трите принципи на школата. Убаво ги објасни, ги преведе, ни ги предаде многу сликовите и разбирливо, ни ги искомбинира, ни ги долови многу јасно, ни ги ’изџвака’, а наше беше само да вежбаме и сметам дека се покажавме во добро издание. 

Author koryu

Школото за класични јапонски боречки вештини Даито рју Македонија – Корју Доџо, со подршка на Организацијата за изучување на традиционални јапонски борбени вештини – Пат кон Сонцето, по петти пат го организира традиционалниот семинар во природа насловен како „Кенџутсу под ѕвездите на Липац V“.

Овој настан се одржува еднаш годишно за време на првиот викенд од јуни, во чест на нашиот Даито рју Аикибудо учител – шиханот Антонино Черта.

За време на дводневниот семинар, членовите на Даито рју Македонија и на Пат кон Сонцето, ги вежбаат техниките од школата Оно ха Итто рју (Такеда-ден). Оваа моќна мечувалска вештина, во минатото била задолжителна за сите членови на познатиот самурајски клан Такеда. Поради нејзината едноставност и ефикасност, школата била една од двете официјални кенџутсу вештини кои што се изучувале од страна на припадниците на семејството на јапонските шогуни од кланот Токугава.

Членовите на нашето доџо, овој настан секоја година го чекаат со нетрпение. За време на дводневниот тренинг во природа, на врвот на мистичната планина Липац, учениците од сите степени имаат можност да се дружат меѓу себе и подобро да се запознат.

Во текот на деновите, ќе се одржуваат по три тренинзи, а вечерта ќе биде резервирана за дружење околу огнот, проследена со вкусно гравче и по некое пивце.

Ден: 31/01 јуни, 2014 година (поаѓање од Скопје во 07.00)

Место: под ѕвездите на планината Липац.

Опрема: вреќа за спиење, кеико ги, хеланки, кјахани или високи чорапи (против крлежи), бокуто (може и резервен), храна и вода.

За дополнителни информации јавете се на нашиот телефон.

Семинарот е отворен за сите, без разлика на стилот и вештината.

Ако Ви е потребна опрема, информирајте не на време.

Настанот ќе се одржи без разлика на временските услови.

Author koryu

Организацијата за изучување на јапонските класични боречки вештини „Пат кон Сонцето“, новата година ќе ја започне со семинар за Даито рју Аикиџуџутсу.

Оваа стара и благородна вештина, денес е една од најпочитуваните борбени школи во Јапонија. Во Македонија, но и на целата територија на Југоисточна Европа, Даито рју можете да вежбате единствено во доџо-то на Пат кон Сонцето (Корју Доџо).

Author koryu

По долго и тешко боледување, на 20 ноември, 2013 година, почина учителот Като Шигемитсу. Тој беше еден од најстарите ученици на покојниот соке Токимуне Такеда и беше заслужен што Хомбу Доџо-то во Абашири продолжи со работа по неговата смрт.

Инаку, сенсеи Шигемитсу беше личен учител на сенсеи Антонино Черта и благодарение на него односно на неговата сугестија и желба, во 2006 година беше создадена организацијата European Daito Kai, со цел да се пренесува знаењето од Даито рју Аикиџуџутсу на начин како што отсекогаш се вежбало во кланот Аизу / Такеда.

Како директни наследници на неговото учење, сакаме да изразиме сочуство до неговото семејство, а воедно да порачаме дека неговиот лик и дело нема никогаш да бидат заборавени.

За овој тажен настан, сенсеи Черта кажа: „Сега мојот учител повторно вежба со неговиот учител (Токимуне сенсеи). Се додека вежбаме на ист начин како што вежбаа тие, нивните дела ќе живеат вечно“.