Категорија: Почетна

Author dovezenskiPosted on февруари 15, 2022февруари 21, 2022Categories Почетна

Во саботата во скопското Доџо се одржа февруарскиот Даито рју Аикиџуџутсу семинар. На настанот учествуваа седуммина членови на Организацијата „Пат кон Сонцето“, сите на најразлична возраст.

Најмладите учесници за прв пат имаа можност да се сретнат со оваа благородна самурајска вештина, при што многу им се допадна школата која што веќе 12 години е дел од програмата на Организацијата.

Веќе од март, Даито рју семинарите се селат во Хомбу доџото во долината под Липац, па така сите заинтересирани ќе можат да се придружат во овој храм на јапонската култура и традиција во Македонија.

Author dovezenskiPosted on јануари 10, 2022јануари 11, 2022Categories Почетна

Првиот Аикиџуџутсу семинар во новата 2022 година се одржа во саботата, во скопското Доџо на Даито рју Македонија.

Темата на настанот беше Никаџо, односно катите од вториот каталог на Хиден Мокуроку.

Се надеваме дека оваа година, ќе успееме да го зголемиме бројот на членови во нашето Аикиџуџутсу доџо, кое заедно со Буџинкан Македонија и Катори Шинто рју Македонија се дел од Организацијата за изучување класични јапонски борбени вештини – Пат кон Сонцето.

Следниот Даито рју семинар ќе се одржи во февруари, а воедно Ве известуваме дека годишниот Извештај за работата на Организацијата „Пат кон Сонцето“ е објавен на веб-страницата на Буџинкан Македонија.

Author dovezenskiPosted on декември 20, 2021декември 27, 2021Categories Почетна

Во скопското Доџо на Даито рју Македонија, вчера се одржа Аикиџуџутсу семинар на тема Иккаџо.

Според планот, во текот на зимата, треба да се одржат неколку вакви настани, на кои ќе се покријат техниките од првите четири каталози.

На следниот семинар ќе се обработува темата Никаџо, а доколку сте заинтересирани, го очекуваме Вашето присуство.

Author dovezenskiPosted on јуни 15, 2021јуни 15, 2021Categories Почетна

Скромно и во намален состав, викендов се одржа дванаесетото издание на традиционалниот семинар „Кенџутсу под ѕвездите на Липац“.

Истовремено, поради неочекувани проблеми што се појавија буквално неколку саати пред почетокот, учителот Игор Довезенски мораше да ја смени и локацијата на настанот. Така, место во дворот на Бељаковскиот Манастир, семинарот се одржа во дворот на Хомбу Доџото на Организацијата „Пат кон Сонцето“.

Учителот Довезенски на учесниците им ја пренесуваше школата Оно ха Итто рју Такеда-ден, онака како што тој ја учел од својот учител Антонино Черта, за време на својата прва посета на неговото доџо во Милано.
За време на настанот, успешно беа повторени речиси сите основни техники од курикулумот на вештината, а некои од учесниците покажаа многу солидни резултати и напредок.

 

Author dovezenskiPosted on јуни 17, 2020јуни 25, 2020Categories Почетна

Единаесет години по ред на мистичната планина Липац секој јуни одекнуваат извиците на Воините на „Пат кон Сонцето“, кои во текот на два дена неуморно ја вежбаат древната самурајска мечувалска вештина Оно ха Итто рју Кенџутсу (Такеда-ден).
А како и секогаш, атмосферата за време на семинарот е величенствена, пријатна, свечена и семејна.

По истиот распоред што се следи секоја година, учителот Игор Довезенски, несебично го споделуваше своето знаење за вештината со меч, која некогаш била обврзувачка за младите наследници на шогунатот Токугава.

Тоа по што овој семинар се разликуваше од изминатите е големиот број на почетници кои успешно ги заменија ветераните кои од оправдани причини не беа во можност да учествуваат.

Да не должиме многу, да напоменеме само дека сите учесници се покажаа одлично, а особено во однос на воинскиот дух кој е потребен за да се биде член на Организацијата „Пат кон Сонцето.
Особено би го пофалиле најмалиот учесник Петар Довезенски, кој со тукушто наполнети десет години, два дена неуморно вежбаше и маршираше под жешкото сонце на падините на Липац, пробивајќи се низ стрмните карпи и бодликави грмушки.