Автор: dovezenski

Author dovezenskiPosted on јуни 24, 2019јуни 30, 2019Categories Почетна

Викендов во Хомбу Доџо-то на Организацијата „Пат кон Сонцето“ се одржа претпоследниот Аикиџуџутсу семинар во првото полугодие на 2019-та.

Во текот на двата дена, учесниците од Корју Доџо-то на Даито рју Македонија ги повторија сите кати од првото (Иккаџо) и второто (Никаџо) ниво на Хиден Мокуроку.

Тренингот, како и секогаш кога станува збор за интензивните Даито рју Аикиџуџутсу семинари, беше жесток, напорен и динамичен, а членовите на доџото ниту еднаш не се пожалија на замор или на болка.

Ги повикуваме сите заинтересирани да се пријават за учество на последниот Аикиџуџутсу настан за првото полугодие, а кој ќе се одржи на 6 и 7 јули.

Author dovezenskiPosted on јуни 10, 2019јуни 11, 2019Categories Почетна

Во дворот на средновековниот Бељаковски Манастир сместен во прегратките на планината Липац, викенов што измина се одржа десетиот по ред „Кенџутсу под ѕвездите на Липац“.

Овој традиционален семинар што секоја година се одржува во чест на нашиот учител за Даито рју Аикиџуџутсу – Антонино Черта, оваа година привлече 12 учесници кои неуморно во текот на двата дена ги вежбаа техниките на школата Оно ха Итто рју Кенџутсу Такеда-ден.

По завршувањето на семинарот, семпаи Таки Гаковски ги сподели своите импресии на нашиот интерен Форум, а ние Ви споделуваме само дел од нив.

„Ова беше уште еден фантастичен семинар за Оно ха Итто рју Кенџутсу Такеда-ден. Морам да признам дека премногу ми недостигаше. Бељаковскиот манастир отсекогаш воодушевувал со својата убавина. Најпрвин сакам да ги пофалам помладите. Со штотуку наполнети 9 години, Петар без никаков проблем вежбаше под жешкото сонце и се движеше по ридовите и планините. Како единствен претставник на девојките од нашето доџо, Косара воински ја одбрани честа на припадничките на поубавиот пол. Давор и Цаци како веќе искусни млади Воини секоја година се се подобри и подобри. Ќе ги споменам и членовите на почетничката група – Ведран, Владо и Никола кои максимално се трудеа и вежбаа со желба да научат нешто ново.

Тренингот како и секогаш беше на високо ниво. Овој семинар е еден од тие на кои се челичи воинскиот дух. Постојано ми се вртат сликите пред очи од сите случки и тренинзи кои ги имавме во текот на двата дена. Спиењето во конаците на старото светилиште, отворањето на деншото пред олтарот во црквата. Заедничката вечера со соборците. Сето ова уште повеќе ме мотивира да нурнам уште подлабоко во светот на Корју.
Сакам да споделам и дека најдобрата стража досега ми се случи токму на овој семинар. Кога се разбудив бев полн со живот, а кога излегов надвор веќе беше разденето. Времето ми помина многу брзо бидејќи уживав.
Морам да споменам дека многу ми беше криво што семпаи Михаил мораше порано да си замине поради работни обврски. Мислам дека тој е еден од најпочитуваните и најсаканите Воини во нашето доџо.
Тренингот на врвот на Липац што се одржа во неделата беше исто како на самурајски филм. Сонце, облаци, сино небо, ветер, киаи, звукот на бокените кои жестоко удираат еден во друг. И ние меѓу сета таа убавина. Штета би било да не го споменам и прекрасниот мирис на билките на Липац. Како и семејната хармонија што владее меѓу членовите на доџото.

Напишав малку, а доживеав толку многу што е тешко да го опишам со зборови. А најважно од се, е што семинарот ќе ја продолжи својата традиција и следната година. Не смееме да дозволиме да згасне ваков неверојатен воински семинар“.

Author dovezenskiPosted on мај 6, 2019мај 8, 2019Categories Почетна

За време на интензивниот Аикиџуџутсу семинар што се одржа  викендов што измина, нашиот член Таки Гаковски успешно положи за трети кју.

Да споменеме и дека семинарот помина во одлична атмосфера, а за време на настанот се изучуваа и повторуваа техниките од Ханза Хандачи и Уширо Дори од Иккаџо, Никаџо и Санкаџо (првите три каталози).

Следниот интензивен семинар ќе се одржи на 22/23 јуни. Ве очекуваме.

Author dovezenskiPosted on април 15, 2019Categories Почетна

Уште едно Даито рју Аикиџуџутсу интензивно откостување се случи викендов во Хомбу Доџо-то на „Пат кон Сонцето“.

Саботата беше посветена на повторување и проучување на катите од вториот, додека неделата беше резервирана за катите од третиот каталог на Хиден Мокуроку.

Да не должиме непотребно, се што треба да кажеме за овој семинар и за оваа вештина е дека со нетрпение го очекуваме мајското издание.

Author dovezenskiPosted on февруари 26, 2019февруари 28, 2019Categories Почетна

Во саботата што измина, најмладите членови на нашето доџо од секцијата „Нинџа Клинци“ имаа можност да се запознаат и да ја вежбаат старата самурајска школа Даито рју Аикиџуџтсу.

Нивната радост немаше крај, а особено воодушевување изнудија техниките кои со употреба на мала сила, создаваат ефикасни резултати и контрола кај противникот. Тие едвај чекаа и самите да ги испробаат покажаните кати, иако поради комплексноста на истите, на моменти им одеше доста тешко. Но тоа и не беше толку важно, колку што беа научените животни лекции и прекрасното дружење.

После тренингот, инструкторот Довезенски им одржа и кратко предавање за историјата на оваа школа, а по вкусната и здрава ужинка, беше организирано детско кино со филм со боречка тематика. Ова воедно беше и последен детски маратон во првото полугодие.

На крајот, сакаме да им се заблагодариме на семпаи Таки Гаковски и на кохаи Косара и Ксенија Довезенска околу помошта и грижата кон децата кои учествуваа на настанот.